L'Open Directory Project

L'Open Directory Project ye o directorio editau por personas mas extenso y mas completo d'o Web. A suya construcción y mantenimiento son realizaus por una gran comunidat global d'editores voluntarios.

A Republica d'o Web

A Web contina creixendo a tot estrús. Os buscadors automatizaus son por cada vegada menos capables de tornar resultaus utils a os suyos usuarios. Os chicotz grupos d'editors achustaus por os directorios comercials no pueden estar-se a o día catalogando puestos, y a qualidat y cantidat d'os suyos indices s'han visto deterioraus. Se son emplindo de vinclos muertos, y no pueden mantener o ritmo de creiximiento d'Internet.

En cuenta de luitar contra o creiximiento explosivo d'Internet, l'Open Directory proporciona os medios ta que Internet s'autoorganice. Conforme Internet creix, creix tamién o numbro de personas que la fan servir. Cadauna d'istas personas puede organizar una chicota porción d'o web y presentar-la a la resta d'a población, filtrando lo dolent y inutil y conservando-ne nomás os millors contenius.

O catalogo definitivo d'o Web

L'Open Directory sigue os pasos de beluns d'os prochectos d'editors y contribuyents d'o sieglo XX. Igual como Diccionario Oxford d'Anglés se convirtió en o referent definitivo respective a ixe idioma mercés a o esfuerzo d'os voluntarios, l'Open Directory sigue os suyos pasos ta convertir-se en o catalogo definitivo d'o Web.

L'Open Directory fue fundau en o esprito d'o movimiento Open Source y ye o solo gran directorio que ye 100% gratuito. No i hai, y nunca no i habrá, un coste por sucherir un puesto a o directorio y/u por usar os datos d'o mesmo. Os datos de l'Open Directory s'ofreixen de gratis a qualsequiera que cumpla a nuestra licencia d'uso gratuito.

O cerebro d'Internet

L'Open Directory ye a base de datos sobre contenius d'o Web clasificaus por humans mas distribuida. Os suyos estandars editorials de conchunta con l'aportación d'os usuarios d'o ret proporcionan o cerebro colectivo necesario ta o escubrimiento de recursos en o Web. L'Open Directory proveye d'os servicios de directorio esencials a os mayors y mas populars motors de busca y portaladas, incluindo Netscape Search, AOL Search, Google, Lycos, HotBot, DirectHit y atros cientos mas.

Tu puetz fer a diferencia

Como en qualsiquier comunidat, obtiens o que das. L'Open Directory ofreix a totz a oportunidat de contribuir.

Rechistrar-se y unir-se ye facil: Triga un tema d'o que sabas bella cosa y une-te a nusatros. Editar categorías ye bien sencillo. Podrás utilizar una ampla gama de ferramientas ta adhibir, borrar y esviellar vinclos en bells segundos. A truca de bells minutos d'o tuyo tiempo, podrás aduyar a fer d'o Web un millor puesto y obtener reconoixencia como expierto en o tema que trigues.

Une-te a l'Open Directory Project

Troba una categoría que te faría goyo de mantener.
Sigue o vinclo Siga un Editor en o cobalto d'a pachina d'a categoría.

Para cuenta que en bellas categorías d'as mas altas no se i troba vinclos Siga un Editor; cal que trobes una cateogría mas especifica que te interese y demandar a edición dende astí. Malas que haigas adquiriu mas experiencia, puetz demandar categorías mas chenerals.

Mas información

Información cheneral - Quiers mas información? Mira-te as FAQ sobre nusatros en l'aria d'aduya.
Puestos que fan servir os datos d'ODP- Listau por categorías de totz os puestos, motors de busca y portaladas, etc. que fan servir o vulcau RDF de l'ODP.
ODP en as noticias y os medios - Noticias, articlos y atros reportes sobre l'ODP.
Cómo fer vinclos con ODP - Amuestra o tuyo refirme fendo un vinclo ta nusatros dende o tuyo puesto.
Descarga d'os datos d'ODP - Obtién o Directorio Definitivo d'o Web ta o tuyo puesto. Ye libre y disponible ta totz.
Licencia d'uso libre - Licencia que regular l'uso d'os datos d'ODP.
Compromís Social - O nuestro compromís con totz os internautas de mantener l'ODP como un recurso ubierto y gratuito.